Республикамизнинг турли ҳудудларидан байрамга бағишланган репортажлар келиб турибди. Самарқанд вилояти, Каттақўрғон шаҳри педагогика коллежи мураббий ва ўқувчилари ҳам Наврўз байрамини ўзгача кўтаринкилик ва тайёргарлик билан кутиб олишди.
Наврўзга хос безатилган коллеж ҳудудида эрталабдан карнай-сурнай наволари янграб, миллий либослари ўзига ярашган йигит-қизлар билан гавжум бўлди.
Йигит-қизлар ижро этган миллий ўйинлар, лапар ва айтишувлар, келин саломлар байрамга янада кўрк бахш этди.
