Хитойлик машҳур актёр Жеки Чан Ҳиндистонга ўзининг янги “Кунг-фу йога” фильмини суратга олгани келади. Бу ҳақда у Ҳиндистоннинг ИАНС (Indo-Asian News Service) ахборот агентлигига берган интервьюсида айтиб ўтди, деб ёзади kun.uz нащри.
Фильм Хитой ва Ҳиндистон ҳамкорлигида олинадиган биринчи фильм бўлади. Тегишли келишувга ўтган йилнинг сентябрь ойида Нью-Деҳлига Хитой раҳбари Си Цзиньпин келганда эришилган эди. Фильм сюжети ва унинг экранларга чиқарилиши санаси маълум қилинмаган. Шу нарса маълумки, фильм Чаннинг кўпчилик фильмлари (“Тангри қурол-яроғлари”, “Полиция воқеаси”) каби комедия ва жангари саҳналарга бой бўлади.
Чаннинг айтишича, “Кунг-фу йога” фильмининг суратга олиш ишлари кузда бошланиши мумкин. Актёр агар унга қизиқ сценарий таклиф этилса, Болливудда ҳам суратга тушиши мумкинлигини билдириб ўтди. “Мен кинони Болливуд ёки Голливудга ажратмайман. Мен учун асосийси сценарий яхши бўлиши керак”, деб айтди Чан.
Жеки Чан ҳинд кино усталари билан биргаликда ишлаш тажрибасига эга. У 2005 йилда “Афсона” фильмида ҳинд акстрисаси Малика Шарофат билан бирга суратга тушган.
Яқинда Ҳиндистон экранларига Чан бош роль ўйнаган “Аждарҳо қиличи” фильми чиқди. Фильм воқеалари Қадимий Хитойда, Хань сулоласи ҳукмронлик қилган даврларда бўлиб ўтади. Фильмда Чан билан бирга Голливуд актёрлари Жон Кьюсак (“2012″) ва Эдриен Броуди (“Пианиначи”) роль ижро этган.
