Шу йилнинг 10 апрель куни Россиянинг “Главная сцена” мусиқий танловининг финал босқичи бўлиб ўтди. Унда суперфинал йўлланмаси учун кучли учлик ичида юртдошимиз Сардор Милано ҳам кураш олиб борди. У финалдаги чиқишида Фред Меркурининг “Queen” номли композициясини ўзгача услубда ижро этиб, томошабинлар ва ҳайъат аъзолари эътиборини қозонди ва суперфиналга йўлланма олди.
Суперфиналга ҳар бир жамоадан бир кишидан — жами беш киши йўл олди. Булар Сардор Милано, Арсен Мукенди, Александр Иванов, Ксения Дежнева, “Моя Мишель” гуруҳи.
Эслатиб ўтамиз, 23 ёшли иштирокчи ўз ижроси билан кўплаб мухлислар эътиборига тушиб улгурди. У дастлабки саралаш босқичида италиялик опера хонандаси Андрей Бочеллининг “Con Te Partiro”, "Time To Say Goodbye" қўшиғини ижро этган бўлса, чорак финалда эса – “Nella Fantasia” қўшиғини куйлаган эди.
Сардорнинг айтишича, униг овоз диапазони 3,5 октавага тенг. Одатда опера ва эстрада хонандаларининг овоз диапазони 2 октавага тенг бўлади.
Эслатиб ўтамиз, Сардор айни вақтда Москва шаҳрида таҳсил олади ва яшайди.
