АОКА штабига келиб тушаётган саволлар бўйича Адлия вазири матбуот котиби Севара Уринбаева жавоб берди.
Савол:
Янги участка нозири озиқ-овқат дўконимни эртадан соат 20:00 дан кеч қолмай ёпасиз, акс ҳолда жаримага тортаман деди. Туманимиз бўйича COVID-19 вируси аниқланмаган. Шу кунгача ҳеч ким бундай огохлантирмаганди. Участка нозири карантин пайтида шундай қилишга ҳақлими?
— Республика махсус комиссиясининг қарорига кўра, озиқ-овқат дўконлари фаолиятларини олиб боришлари мумкин. Лекин карантин ҳолати сабабли кечки вақтда фуқароларнинг муайян бир жойда тўпланишини олдини олиш учун туман ҳокимиятлари ва ҳуқуқни муҳофаза қилувчи органлар томонидан чора-тадбирлар амалга оширилиши мумкин.
Шунингдек, маҳаллий давлат ҳокимияти органлари ўз ҳудудида эпидемияни олдини олиш ва ундан сақланиш бўйича ушбу ҳудудда яшовчи фуқаролар учун мажбурий тусга эга бўлган норматив-ҳуқуқий ҳужжатлар қабул қилиши мумкин.
Карантинда имкон борича уйдан чиқмаслик сўралмоқда.
