АҚШ президенти Доналд Трамп ижтимоий тармоқларни тартибга солиш бўйича махсус фармонни имзолади.
Фармонга кўра, ижтимоий тармоқлар маъмуриятининг чоп этилган контент — пост, фото, видео, шарҳларни бошқариш имконияти чекланади.
Энди ушбу ҳужжат асосида, 1996 йилда қабул қилинган "Коммуникацияларда одоб-ахлоққа риоя қилиш тўғрисида"ги Актнинг 230-моддасини амалда қўлланиши ўзгариши мумкин.
Натижада фойдаланувчилар томонидан эълон қилинган материаллар учун энди Twitter ёки Facebook жиноий жавобгарликка тортилиши мумкин бўлади.
1996 йилдаги норматив манбага мувофиқ ижтимоий тармоқларга — ноширлар сифатида эмас, "ахборот платформаси" сифатида қаралар эди, яъни улардан постлар мазмуни учун жавобгарлик соқит қилинган эди.
