Туркия бош вазири Аҳмад Довудўғлунинг айтишича, Анқарадаги теракт туфайли 99 киши ҳалок бўлган. Бу ҳақда Agence France-Presse нашри хабар берди, деб ёзади kun.uz сайти.
Вазирнинг маълум қилишича, қурбонлардан 94 кишининг шахси аниқланиб, жасади дафн қилиниш учун қариндошларига топширилган.
Бундан аввалроқ, Анқара Тиббиёт палатаси маълумотига асосланиб, теракт қурбонлари сони 106 нафар бўлгани хабар қилинганди.
Бугундан Туркия ҳукумати суд орқали ОАВнинг теракт ҳақида маълумотлар тарқатишини таъқиқлаб қўйди.
Эслатиб ўтамиз, 10 октябрь куни Туркиянинг Анқара шаҳри марказида курдлар томонидан "Тинчлик ва демократия учун" шиори остида мамлакат ҳукуматига қарши норозилик намойиши учун йиғилган ҳудудда худкуш-террорист томонидан 2 марта теракт содир этилган эди.
Терактдан бир неча кун ўтиб, полиция бу терактда ИШИД жангариларининг қўли борлигини аниқланди
