Франция тарихида энг йирик теракт содир бўлди

ДУНЁ 14.11.2015, 11:19
Франция тарихида энг йирик теракт содир бўлди

Франция пойтахти шанбага ўтар кечаси бир қатор террористик ҳужумлар остида қолди. Бунинг оқибатида 120 дан 153 нафаргача одам ҳалок бўлган бўлиши мумкин, икки юздан ортиқ киши яраланди. Франция Президенти Франсуа Олланд мамлакатда фавқулодда ҳолат эълон қилди.

Терактлар жума куни кечки пайт бир вақтнинг ўзида Парижнинг еттита туманида содир бўлди.

Теракт Франция тарихида энг йириги бўлди. Париж полицияси террористни қўлга олди, таҳминларга кўра, у "Ислом давлати"дан. Айни дамда Франция давлат чегараларини ёпиб қўйди. Ҳозирда кўпгина мамлакатлар Франция халқига таъзия билдириб, ўз ёрдамларини таклиф этишмоқда.

Даставвал номаълум кимсалар Парижнинг 10-Округида жойлашган ресторанлардан бирида отишма уюштиришди. Сўнгра “Батаклан” театрида Американинг рок-гуруҳи концерт бераётган бир пайтда отишма юз берди. Гувоҳларнинг сўзларига кўра, ҳужумчилардан бири "Бу Сурия учун!", дея бақирган.

Бундан ташқари мамлакат президенти қатнашаётган Франция — Германия ўртасидаги ўйин бўлиб ўтаётган "Стад де Франс" стадиони яқинида учта портлаш содир бўлган.

"Ислом давлати" террористик гуруҳи террористик ҳужумларга жавобгарликни ўз бўйнга олди.

"Бу Сурия учун қасос. Бу Франция учун 11 сентябрь", — дея шарҳланади Ислом Давлатининг баёноти.

Шарҳлар

Об-ҳаво: Тошкент
Валюта курси
1