Хонанда Райҳон Ғаниева ўзининг Instagram'даги саҳифасида фарзандлари билан тушган суратларини жойлади.
Суратлардан бирининг тагига фарзандлари учун Оллоҳга шукрона билдирилган бўлса, яна бирининг тагига кўнглидан ўтган кечинмалар ёзилган.
Санъаткорнинг кечинмаларида шундай ёзилади:
“Улғайганинг сари арзон спектакль ва фитналардан узоқда юришни истаркан киши. Шунчаки шинам уй, оила даврасидаги ширин кечки таом, фарзандларнинг кулгиси ва бахти, шунингдек, қаҳвангга қанча шакар қўшиш кераклигини биладиган инсон ёнингда бўлиши кифоя экан”.
Райҳоннинг ушбу тилаклари амалга ошишига биз ҳам тилакдошмиз. Суратларни эса ҳукмингизга ҳавола этамиз.
