Одам савдоси билан айбланиб, боливиялик икки аёл қўлга олинди. Бу ҳақда “Lenta.ru” хабар бермоқда.
Икки аёл бир ярим ойлик қизчани 250 долларга сотмоқчи бўлган. Жиноятни содир этишда аёллар Facebook тармоғидан фойдаланган. Ижтимоий тармоқдаги саҳифага чақалоқ сотилиши ҳақида эълон берилган. Қизчанинг 32 ёшли онаси фохишалик билан шуғулланган ва боланинг отаси кимлигини билмаган. Шунинг учун уни сотиб, даромад орттирмоқчи бўлган.
Чақалоқни 18 ёшли қиз сотиб олмоқчи бўлган. У чақалоқни ўз боласи қилиб кўрсатиб, шу йўл билан севган йигитини қайтармоқчи эди. Қизнинг собиқ йигити ҳолат юзасидан полицияга хабар берган.
Эслатиб ўтамиз, худди шундай ҳолат октябрь ойида Нигерияда юз берган эди. Икки ҳафталик чақалоқни 90 долларга сотмоқчи бўлган олти нафар шахс қўлга олинган эди. Ўшанда аёл содир этмоқчи бўлган жиноятини муҳтожлик юзасидан қилганини таъкидлаган эди.
