Aholidan kelib tushgan ushbu savolga AOKA huzuridagi shtabda o`tkazilgan brifingda ishtirok etgan Respublika Maxsus komissiyasi a`zosi Feruza Hamroboeva tomonidan quyidagicha javob qaytarildi:
- Respublika maxsus komissiyasi tomonidan hokimliklarga hududlarda koronavirusga ixtisoslashgan shifoxonalarni tashkil etish, intensiv va reanimasiya o`rinlarini ko`paytirish, ularni zarur tibbiy jihozlar va dori-darmon bilan ta`minlash va Toshkent shahridagi tajriba asosida COVID-19 hamda pnevmoniya bilan kasallanganlarga dastlabki malakali tibbiy yordam ko`rsatadigan «maxsus poliklinikalar» tashkil etish masalalari echimi yuklatildi.
25 iyul kuni 6035-son Prezident farmoni imzolandi, unga ko`ra, etishmayotgan mutaxassislarni tibbiyot ta`lim muassasalari bitiruvchilari, nafaqadagi shifokorlar, hamda boshqa tibbiyot mutaxassisligiga ega bo`lgan shaxslar hisobidan to`ldirilishi nazarda tutilgan.
Undan tashqari, boshka tibbiy oliy ta`lim muassasalari tarafidan shifokorlarni zarur bo`lgan mutaxassisliklar, jumladan, anesteziolog-reanimatologlar, o`pka va yurak qon-tomir tizimi kasalliklari shifokorlarini qayta tayyorlash tizimi bo`yicha o`qitilishi yo`lga ko`yilganligi ayniqsa muhim.
