Homiylik xayriyalari yordami birlamchi kimlarga etkaziladi? Bu haqda bugun AOKA huzuridagi shtabda Yoshlar ishlari agentligi matbuot kotibi Nodir Abduqodirov ishtirokida bo`lib o`tgan brifingda ma`lum qilindi.
Xayriyalar avvalo quyidagilarga beriladi:
📎 ta`minot manbai bo`lmagan yolg`iz keksalar, nogironligi bo`lgan, boquvchisidan ajralgan, og`ir kasallari bor, ko`p bolali oilalar;
📎 ijtimoiy nafaqasi real ehtiyojlarni qoplamaydigan va undan boshqa daromad manbai bo`lmagan oilalar;
📎 ota-onasining ikkisini ham yo`qotgan, bolalar tarbiyasi bilan esa qarindoshlar shug`ullanayotgan oilalar;
📎 ota-onalardan biri yoki har ikkisi ham nogiron bo`lgan oilalar;
📎 14 yoshgacha bo`lgan ikki va undan ortiq bolalarni tarbiyalayotgan, boshqa qarindoshlardan alohida yashayotgan beva ayollar (beva erlar);
📎 ota-onalardan biri yoki har ikkisi ishsiz bo`lgan va ish izlovchi sifatida bandlikka ko`maklashish markazlarida hisobda turgan oilalar;
📎 mehnatga layoqatli a`zolari bo`lgan, biroq ular hech qaerda ishlamaydigan yoki pandemiya tufayli daromadidan vaqtincha mahrum bo`lgan (mavsumiy ishchi, usta, mardikor, sartarosh, chet elda ishini yo`qotib qaytganlar, taksi haydovchisi, kafe, restoran ishchisi va h.k) va zarur yordamga muhtoj oilalar.
