Avval xabar qilinganidek, kecha, 3 avgust kuni AOKA zalida Koronavirusga qarshi kurash shtabi a`zolari, Sog`liqni saqlash vazirligi mutasaddilari ishtirokida koronavirus bemorlarini davolash protokoli bo`yicha matbuot anjmuni bo`lib o`tdi. Unda O`zbekistonda koronavirus kasalligi va uni davolash bilan bog`liq qator savollarga javob berildi.
Xususan, O`zbekistondagi ba`zi shifokorlar "Plakvenil" dori vositasi koronavirus kasalligiga chalinganlar uchun zararli deb aytishmoqda. Ammo SSV ning qo`llanmasida mazkur dori tavsiya qilingan. Buning sababi nimada, degan savolga aniqlik kiritildi.
Habibulla Oqilov, Koronavirusga qarshi kurash shtabi a`zosi:
— «Plakvenil» preparatining samarsi ustida tajriba o`tkazib bo`lingan va o`z natijasini bergan. Mazkur dori Respublikadagi eng tajribali shifokorlar va infeksionistlar tomonidan tasdqilangan. Hozirgi paytda televideniedan chiqib bu borini rad etayotgan ayrim shifokorlar esa «Plakvenil»ni tasdiqlagan olim va professorlarga aql o`rgatishi mumkinmi? Fuqarolarning o`zi buning to`g`ri yoki noto`g`ri ekanini bilib oladi. Bu preparatdan foydalanib sog`ayib ketganlar bilan undan foydalanmagan bemorlar o`rtasidagi farqda ko`rish mumkin.
Shuningdek, Habibulla Oqilovning qat`iy ta`kidlashishicha, gidroksixloroxindan O`zbekistonda foydalaniladi. Yaqinda JSST tomonidan bu preparatning samarasiz deb baholanganiga javoban esa u quyidagi fikrni bildirdi:
— JSST tavsiya beruvchi tashkilot, topshiriq beruvchi emas. Bizda mart oyidan beri o`zimizda yaxshi tajriba to`plandi. Endi boshqalar tajribasi kerakmas. Bizda gidroksixloroxindan kasallikning boshlang`ich davrida foydalanilmoqda. Bemorlarga 3-5 kun beryapmiz, xolos. Bu jarayonda muhimi tajriba. Bizning esa bu dori bo`yicha o`z tajribamiz bor. Samarasi bo`lyapti. Shuning uchun davolashda qo`llaniladigan dorilar ro`yxatidan chiqarilmadi.
Mavzuga doir:
Koronavirus bilan zararlangan bemorlar qanday saralanadi?
Uy sharoitida COVID-19 ni qanday davolash kerakligi ma`lum qilindi
Nega koronavirusga oid barcha o`limlar rasmiy statistikada aks etmayotganiga izoh berildi (video)
O`zbekistonda 15 avgustdan keyin karantin cheklovlari yumshatiladimi? Mas`ullar javob berdi (video)
