Ushbu savolga AOKA huzuridagi shtabda o`tkazilgan brifingda ishtirok etgan Xalq ta`limi vazirligi axborot xizmati rahbari Laylo Rustamova quyidagicha javob berdi:
Bugun barcha maktablarda yangi o`quv yiliga tayyorgarlik ishlari, xususan 1-sinfga qabul jarayoni ham davom etmoqda. Maktablar ham karantinga yopilmagan.
Shu bois agar ish beruvchingiz, ya`ni maktab rahbariyati bilan masofadan ishlash bo`yicha kelishuvga kela olsangiz ishingizni masofadan tashkil qilishingiz mumkin. Agar faoliyatingiz maktabga borib ishlashni talab qilsa, karantin qoidalariga rioya qilgan holda faoliyatingizni davom ettirishingiz mumkin bo`ladi.
