2020 yilda O`zbekistondan Rossiyaga 620 ming kishi kirib borgan. Bu haqda Tashqi mehnat migrasiyasi agentligi Matbuot xizmati ma`lum qildi.
Rossiya Federasiyasi Federal xavfsizlik xizmatining chegara xizmati ma`lumotlariga ko`ra, 2020 yilning o`tgan davrida Rossiyaga 6 milliondan ortiq kishi tashrif buyurgan. Bu o`tgan yilning shu davriga nisbatan 60 foizga kamdir. Joriy yilning ikkinchi choragida sayohat maqsadida Rossiyaga biron bir chet el fuqarosi kelmagan.
Rossiyaga asosan quyidagi mamlakatlardan fuqarolar kirib kelgan:
1. 🇺🇦 Ukraina - 1,7 million;
2. 🇰🇿 Qozog`iston - 885 ming;
3. 🇺🇿 O`zbekiston - 620 ming;
4. 🇹🇯 Tojikiston - 373 ming;
5. 🇦🇿 Ozarbayjon - 233 ming.
Shuningdek, Qirg`iziston, Finlyandiya, Armaniston, Abxaziya va Xitoy kuchli o`nlikka kirgan.
