Bosh prokuratura huzuridagi Departamentning Sariosiyo tuman bo`limi tomonidan o`tkazilgan tergovga qadar tekshiruvda tuman Xalq ta`limi bo`limi hisobchisi X.K. byudjet mablag`larini talon-toroj qilganligi aniqlandi. Bu haqda Bosh prokuratura matbuot xizmati "Darakchi"ga xabar qildi.
XTB hisobchisi tumandagi 27-sonli maktabda muqaddam ishlab ketgan fuqaro M.Q., N.T., O.E.lar va haqiqatda ishlamagan Sh.Q.ning nomlariga bank plastik kartasini rasmiylashtirib olib, 2016-2020 yillar davomida jami 355,3 mln so`m byudjet mablag`larini o`zlashtirib kelgan.
Mazkur holat yuzasidan X.K.ga nisbatan Jinoyat kodeksining 167-moddasi 3-qismi “a” bandi bilan jinoyat ishi qo`zg`atilib, tergov harakatlari o`tkazilmoqda.