O`zbekiston sog`liqni saqlash vazirligi shu yilning 8 avgust kuniga doir kasallanish, sog`ayish va vafot etish bo`yicha statistik ma`lumotlarni ma`lum qildi.
Unga ko`ra, mamlakatimizda 693 holatda kasallik qayd etilgan bo`lib, barchasi koronavirusga chalingan bemorlar bilan muloqotda bo`lganligi sababli namuna olingan fuqarolar orasida aniqlangan.
Toshkent shahrida 4 nafar, Toshkent viloyatida 1 nafar, jami 5 nafar koronavirusga chalingan bemor vafot etdi.
Toshkent shahri, Buxoro, Namangan, Surxondaryo, Qashqadaryo, Toshkent, Samarqand, Sirdaryo, Farg`ona, Xorazm hamda Navoiy viloyatlarida jami 936 nafar bemor sog`aydi.
Ayni paytda koronavirus infeksiyasidan davolanayotgan 8 414 nafar bemordan 974 nafari og`ir, 274 nafari esa o`ta og`ir ahvolda.
