Livan poytaxti Bayrut shahrida norozilik namoyishlari yana kuchaydi, olomon va polisiyaning to`qnashuvi avj oldi, deya xabar tarqatgan «Al-Jazira»
Hozirgi paytda mamlakat parlamenti binosi yonida jiddiy to`qnashuvlar kuzatilyapti.
4 avgust kuni yuz bergan fojiali voqea sabab bo`lib o`tayotgan norozilik mitinglari mamlakat poytaxtida jiddiy tartibsizliklarni keltirib chiqardi. Kecha boshlangan namoyishlar bugun parlament binosi yoniga ko`chdi. OAVda qayd etilgan ma`lumotlarga qaraganda, to`qnashuvlar natijasida kamida 728 kishi aziyat chekkan.
Norozilik namoyishi ishtirokchilari hukumat iste`fo berishini, shuningdek, Bayrut portida ro`y bergan kuchli portlashdan so`ng mamlakatda jiddiy institusional islohotlar o`tkazilishini talab qilyapti. Ekspertlar fikricha, mazkur hodisa «Davlat tuzilmalari ish faoliyatidagi hamda idoralararo ishlarni muvofiqlashtirishdagi mavjud muammolar»ni yaqqol yuzaga chiqardi.
Kecha kechqurungi xabarlarda esa Livandagi miting qatnashchilari iqtisodiyot va energetika vazirliklari, shuningdek Mahalliy banklar assosiasiyasi binolarini ishg`ol qilishgani to`g`risida yozilgan. Bungacha mamlakatdagi vaziyatdan norozi olomon tashqi siyosat idorasi binosini ham egallab olgan.
Keyinchalik xavfsizlik kuchlari yuqorida sanab o`tilgan davlat idoralarini aksiya qatnashchilaridan tozalashga muvaffaq bo`lishgan. Ma`lumotlarga qaraganda, 700 dan ziyod jabrlanganlarning 100 dan ortig`i harbiy xizmatchilar.
