Bu haqda Din ishlari bo`yicha qo`mita matbuot xizmati xabar qildi.
Qayd etilishicha, ayni damda, diniy soha vakillari ishtirokida videoselektor yig`ilishi bo`lib o`tyapti.
Yig`ilishda Din ishlari bo`yicha qo`mita raisi A.Axmedov masjidlar faoliyatini qayta ko`rib chiqish va hozirgi holati masalasiga alohida e`tibor qaratdi.
Jumladan, u masjidlarni kuz-qish mavsumiga tayyorlash, shuningdek, Respublika maxsus komissiyasining qarori bilan karantin talablari yumshatilgan taqdirda, har bir hududning epidemiologik holatini intobatga olib, sanitariya talablariga to`liq amal qilgan holda masjidlar faoliyatini qayta yo`lga qo`yishga bosqichma-bosqich ruxsat berish masalasini kun tartibiga qo`ydi.
O`z navbatida, Qo`mita raisi hozirgi paytda respublikadagi masjidlarning mavjud holati to`liq o`rganib chiqilganini ham ma`lum qildi.
Videoselektor davom etmoqda. Yig`ilish tafsilotlari haqida keyinroq batafsil ma`lumot beramiz.