Hukumatning ayrim qarorlariga o`zgartish va qo`shimchalar kiritildi, deya xabar berdi Huquqiy axborot kanali.
Kiritilgan o`zgartirishlarga ko`ra, jismoniy shaxslar tomonidan olib kirilayotgan va olib chiqib ketilayotgan 70 mln so`m ekvivalentidan ortiq O`zbekiston naqd valyutasi va (yoki) naqd chet el valyutasi uchun deklarasiya to`ldiriladi (amalda 2 ming AQSh dollari).
Shuningdek, 100 mln so`mga teng yoki undan oshmaydigan naqd valyutani O`zbekistondan tashqariga bojxona nazorati qoidalariga amal qilgan holda cheklovlarsiz olib chiqiladi (amalda 5 ming AQSh dollari).
Qaror 2020 yil 1 sentyabrdan kuchga kiradi.
