Farg`ona viloyati bojxona boshkarmasi Kontrabandaga qarshi kurashish va bojxona auditi bo`limi xodimlari tomonidan uyali aloqa vositalarining noqonuniy olib kirilishiga doir holatlarga chek qo`yildi. Bu haqda bojxona xabar bermoqda.
Viloyatda o`tkazilgan tezkor tadbir davomida chegaradosh hududdan harakatlanib kelgan fuqaro X.D. boshqaruvidagi “Neksiya-3” rusumli avtotransport vositasi kuzatuvga olinadi.
Haydovchi Dang`ara tumanida fuqaro R.M.ning xonadoniga etib kelgan vaqtida kuzatuvga olinganini sezib qoladi va voea joyidan yashirinishga urinadi.
Mazkur avtotransport vositasi esa belgilangan tartibda va xolislar ishtirokida ko`zdan kechirilganida, avtomashina saloni va yukxonasida 13 turdagi jami 580 dona uyali aloqa vositalari borligi aniqlandi.
Shuningdek, fuqaro R.M.ning xonadoni ham amaldagi tartiblarga muvofiq ko`zdan kechirilganida bu erda ham 2 turdagi 542 dona uyali aloqa vositalari noqonuniy ravishda saqlanayotganligi aniqlandi.
O`tkazilgan tadbir davomida qonunbuzarlardan ashyoviy dalil tariqasida olib qo`yilgan 1122 dona uyali aloqa vositalari xorijda ishlab chiqarilgan bo`lib, ularning bojxona rasmiylashtiruvini tasdiqlovchi bironta ham hujjatlari mavjud emasligi aniqlandi.
Mazkur tovar-moddiy boyliklarning umumiy qiymati esa 200 mln. 495 ming so`mni tashkil qilmoqda.
Hozirda mazkur holat yuzasidan bojxona tekshiruvlari davom ettirilmoqda.