Joriy yil 1 sentyabrdan boshlab farzandli bo`lgan ota-onalar uchun yana bir qulaylik yaratildi. Unga ko`ra, bir qator hujjat ishlarini FHDYoda bir vaqtning o`zida bitirib olish mumkin.
Davlat xizmatlari agentligi xabariga ko`ra endi:
- shifoxonadan tug`ilganlik haqidagi tibbiy ma`lumotnoma olish;
- FHDYo organida tug`ilganlikni qayd etish;
- poliklinikaga hisobga qo`yish;
- bir martalik "suyunchi" pulini olish;
- yashash joyi bo`yicha ro`yxatga qo`yish;
- bolani davlat bog`chasiga navbatga qo`yishni FHDYo idorasida birgina ariza to`ldirish bilan amalga oshirish mumkin.
