Respublika ixtisoslashtirilgan ftiziatriya va pulmonologiya ilmiy-amaliy tibbiyot markazi diagnostika bo`limi shifokori, oliy toifali pulmonolog Xayrullo Rajabov koronavirusdan davolanib chiqqan bemorlarning o`pkasida qolayotgan asoratlarning inson salomatligiga salbiy ta`siri haqida quyidagilarni gapirdi:
— Koronavirusdan davolangan bemorlarning o`pkasidagi asoratlarning asosiy qismini o`pkada tarqalgan fibrozli o`zgarishlar tashkil qiladi, ular ko`p hollarda o`pkaning tashqi nafas funksiyasining restriktiv tipdagi o`zgarishlariga olib keladi va jismoniy zo`riqishga rezistentlik hosil qiladi. Bunday bemorlar ma`lum muddat pulmonolog nazoratida bo`lishlari kerak. Sababi o`pkadagi fibrozli o`zgarishlarning to`liq surilishi yil davomida kuzatilishi mumkin.
