Республика ихтисослаштирилган фтизиатрия ва пульмонология илмий-амалий тиббиёт маркази диагностика бўлими шифокори, олий тоифали пульмонолог Хайрулло Ражабов коронавирусдан даволаниб чиққан беморларнинг ўпкасида қолаётган асоратларнинг инсон саломатлигига салбий таъсири ҳақида қуйидагиларни гапирди:
— Коронавирусдан даволанган беморларнинг ўпкасидаги асоратларнинг асосий қисмини ўпкада тарқалган фиброзли ўзгаришлар ташкил қилади, улар кўп ҳолларда ўпканинг ташқи нафас функциясининг рестриктив типдаги ўзгаришларига олиб келади ва жисмоний зўриқишга резистентлик ҳосил қилади. Бундай беморлар маълум муддат пульмонолог назоратида бўлишлари керак. Сабаби ўпкадаги фиброзли ўзгаришларнинг тўлиқ сурилиши йил давомида кузатилиши мумкин.
