Menda 1 oy avval koronavirusga test natijasi musbat chiqqan. Kasallikning belgilari bo`lmasada 3 hafta oralig`ida qayta test natijalari ham musbat chiqdi. Qaysi tibbiyot muassasida ishonarli test natijasini olishi mumkin?
–Agar sizda Kovid bilan kasallanish muddati 3 haftadan oshgan bo`lsa, ekspress- test yoki PZR topshirilishi tavsiya etilmaydi.
Qonda M (IgM) sinfga oid immunoglobulinlar taxminan zararlanishning boshlangan kunidan 7- sutkalariga kelib shakllana boshlaydi, 1 haftadan so`ng eng yuqori darajaga etadi, 2 hafta davomida esa uning konsentrasiyasi asta-sekin kamayib boradi.
Bir vaqtning o`zida taxminan 3 hafta yoki sal avvalroq G (IgG) sinfidagi immunoglobulinlar aniqlanadi. Qonda aynan G sinfiga oid immunoglobulinlarning aniqlanishi infeksiyani o`tkazilganligidan dalolat beradi.
Shuning uchun, sizga antitanachalarga tahlil topshirish tavsiya etiladi.
Bu haqda AOKA huzuridagi shtabda o`tkazilgan brifingda Koronavirusga qarshi kurash shtabi a`zosi Nargiza Nurullaeva ma`lum qildi.
