Менда 1 ой аввал коронавирусга тест натижаси мусбат чиққан. Касалликнинг белгилари бўлмасада 3 ҳафта оралиғида қайта тест натижалари ҳам мусбат чиқди. Қайси тиббиёт муассасида ишонарли тест натижасини олиши мумкин?
–Агар сизда Ковид билан касалланиш муддати 3 ҳафтадан ошган бўлса, экспресс- тест ёки ПЗР топширилиши тавсия этилмайди.
Қонда М (IgM) синфга оид иммуноглобулинлар тахминан зарарланишнинг бошланган кунидан 7- суткаларига келиб шакллана бошлайди, 1 ҳафтадан сўнг энг юқори даражага етади, 2 ҳафта давомида эса унинг концентрацияси аста-секин камайиб боради.
Бир вақтнинг ўзида тахминан 3 ҳафта ёки сал аввалроқ G (IgG) синфидаги иммуноглобулинлар аниқланади. Қонда айнан G синфига оид иммуноглобулинларнинг аниқланиши инфекцияни ўтказилганлигидан далолат беради.
Шунинг учун, сизга антитаначаларга таҳлил топшириш тавсия этилади.
Бу ҳақда АОКА ҳузуридаги штабда ўтказилган брифингда Коронавирусга қарши кураш штаби аъзоси Наргиза Нуруллаева маълум қилди.
