Amerikalik huquqni muhofaza qilish organlari xodimlari AQSh prezidenti Donald Trampga yuborilgan zaharlangan maktubni ushlab qolishdi, deb ma`lum qildi CNN telekanaliga tayanib Xabar.uz.
Hodisa AQSh maxfiy xizmati va Federal tergov byurosi tomonidan tekshirilgan. Ma`lumotlarga ko`ra, prezident nomiga yuborilgan xatni tekshirish paytida unda risin – o`simlikdan olingan zaharlangan modda borligi aniqlangan. Idoraning bayonot berishicha, maktub Kanadadan yuborilgan, xat egasi hali qo`lga olingani yo`q.
Risin – kanakunjutdan olingan zaharli modda. Uni yutib yuborganda ko`ngil aynishi, qayt qilish, ichki qon ketishini keltirib chiqaradi. Hatto, ichki a`zolar faoliyatining etishmovchiligi va o`limga ham sabab bo`lishi mumkin. Risinga qarshi ziddizahar mavjud emas.
