Bugungi kunda ijtimoiy tarmoqlarda, xususan Telegram messendjerida Xalq ta`limi vazirligi nomidan kanal ochib, vazirlik tomonidan berilayotgan yangiliklarni rasmiy manbasi ko`rsatilmagan holda o`z nomidan e`lon qilib borayotgan holatlar ko`plab kuzatilmoqda. Vazirlik matbuot xizmati soxta kanal yangiliklariga aldanmaslikka chaqirdi.
"Ajablanarli tomoni ushbu kanallar o`ziga "Rasmiy" statusini ham qo`yib olgan. Ana shunday kanallardan birida bugun ta`limga mutlaqo dahli bo`lmagan behayo reklama e`lon qilindi. Tabiiyki, bu e`lon ko`pchilik tomonidan vazirlikka tegishli deb noto`g`ri talqin qilindi" deydi Vazirlik matbuot xizmati rahbari Laylo Rustamova.
Xalq ta`limi vazirligi ushbu kanalning Xalq ta`limi vazirligi tizimiga hech qanday dahli yo`ligini, vazirlikning ijtimoiy tarmoqlardagi rasmiy sahifalarida hech qanday mahsulotlarga oid reklama e`lonlari joylashtirilmaydi.
Ma`lumot o`rnida:
Xalq ta`limi vazirligiga tegishli rasmiy kanallar quyidagilar:
1. Rasmiy sayt: www.uzedu.uz
2. Telegram: @uzedu
3. “Online-Maktab” loyihasi rasmiy telegram kanali: @uzeduonlinemaktab
4. Youtube: http://bit.ly/2PYbkOx
5. Mover.uz: https://mover.uz/channel/uzedu
6. Facebook: https://www.facebook.com/uzedu
7. Instagram: https://www.instagram.com/uzedu.uz/
