Ertaga, 30 sentyabr kuni Toshkent shahrining Mirzo Ulug`bek va Yashnobod tumanlaridagi ba`zi ko`chalarda suv ta`minotida uzilishlar kuzatiladi. Bu haqda Toshkent shahar hokimligi xabar berdi.
Hokimlikning ta`kidlashicha, 2020-2021 yilgi kuz-qish mavsumiga tayyorgarlik yuzasidan “Toshkent shahar suv ta`minoti” MChJ tomonidan suv tarmoqlarida rejali profilaktika va ta`mirlash ishlari olib borilishi rejalashtirilgani sabab suv ta`minotida uzilish kuzatiladi.
“30 sentyabr soat 9:00dan 1 oktyabr 9:00 gacha poytaxtimizning Mirzo Ulug`bek va Yashnobod tumanlarining ayrim hududlarida ichimlik suvi ta`minoti to`xtatiladi”, deyilgan xabarda.
Mirzo Ulug`bek tumani bo`yicha:
• Yahyo G`ulomov ko`chasida;
• O`zbekiston ovozi ko`chasida;
• O`zbekiston Respublikasi Bosh prokuraturasida.
Yashnobod tumani buyicha:
• Anjumanlar saroyida.
Suv bo`lmagan joylarga suv tashuvchi maxsus avtomashinalar yuboriladi.
