Bugun, 29 sentyabr kuni soat 07:30 da 30 yoshli S.J., boshqaruvida bo`lgan “Nexia” rusumli avtomashinani Jondor-Buxoro yo`nalishi bo`yicha boshqarib borib, Buxoro tumani “Rabotiqalmoq” MFY hududidan o`tuvchi 4R-72 avtomobil yo`lining 8 km. da, avtomashina boshqaruvini yo`qotib, yo`lning harakat yo`nalishi bo`yicha o`ng tomonida joylashgan beton to`siqqa avtomashina old qismi bilan urilishi oqibatida avtomashina bir necha marotaba ag`darilib aylanib ketib, yo`l transport hodisasini sodir qilgan.
IIV huzuridagi Tergov departamenti xabariga ko`ra, YTH natijasida avtomashinada bo`lgan yo`lovchilar turmush o`rtog`i 29 yoshli B.X., hamda uning voyaga etmagan farzandi 7 yoshli K.T., lar hodisa joyida vafot etgan.
Mazkur holat yuzasidan Buxoro viloyat IIB huzuridagi Tergov boshqarmasi tomonidan O`zbekiston Respublikasi Jinoyat kodeksining 266-moddasi 3-qismi “a” bandi (Odamlar o`limiga sabab bo`lgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo`zg`atilib, dastlabki tergov harakatlari olib borilmoqda.
Hurmatli fuqarolar, yo`llarda harakatlanganda belgilangan yo`l-harakati qoidalariga hamda o`zingizning shaxsiy xavfsizlingizga rioya qiling.
