Bektemir tuman hokimi Jahongir Ibrohimov maktab bitiruvchilarining oliy ta`lim muassasalariga o`qishga kirishi bo`yicha eng yuqori natija ko`rsatgan tumandagi maktab jamoasiga "Spark" avtomobili topshirilishini e`lon qilgan.
Bugungi kunda mazkur sovrinni olish uchun tumandagi maktablar o`rtasida sog`lom raqobat ketmoqda. Agarda maktabning jami bitiruvchilari ko`rsatgichi 50% dan yuqori bo`lsa, o`sha maktab jamoasiga avtomobil topshiriladi.
Bektemir tuman xalq ta`limi bo`limi matbuot xizmatining xabar berishicha, bayram munosabati bilan hozirgi kunda o`quvchilarining natijalari yuqori bo`lgan 3 ta maktab jamoasi pul mukofotlari bilan taqdirlandi.
Unga ko`ra:
1-o`rin - 291-sonli umumta`lim maktabi - 10 mln. so`m,
2-o`rin - 290-sonli umumta`lim maktabi - 7,5 mln. so`m,
3-o`rin - 293-sonli umumta`lim maktabi - 5 mln.so`m pul mukofotlari maktab jamoasiga topshirildi.
Tez orada oliy mukofot - "Spark" avtomobili ham o`z egasiga topshirilishi kutilmoqda.
