Joriy yil oktyabr oyining 15, 18, 22, 25, 28 sanalari hamda 1, 2 noyabr kunlari “Voljskiy – Toshkent” yo`nalishida poezdlar qatnovi amalga oshiriladi. Bu haqda “O`zbekiston temir yo`llari” AJ ma`lum qildi.
Ta`kidlanishicha, ushbu poezdlar Rossiyaning Voljskiy shahridan jo`naydi. Mazkur poezdlarga faqat bir tomonga, ya`ni “Voljskiy – Toshkent” yo`nalishiga chiptalar sotilmoqda.
Chipta xarid qilishda qulaylik yaratish maqsadida elektron chiptalarni sotish yo`lga qo`yildi. Voljskiydagi o`zbekistonliklarning yaqinlari O`zbekistonda turib “O`zbekiston temir yo`llari” AJning veb-sayti orqali, https: //e-ticket. railway.uz dan chiptalarni elektron tarzda xarid qilib, Internet orqali Voljskiydagi hamyurtlarimizga jo`natishlari ham mumkin.
Eslatma: Bugungi kunda pandemiya sababli qo`shni Qozog`iston Respublikasi hamda Rossiya davlatlari chegara hududlari ochilgani yo`q. Shu boisdan “O`zbekiston temir yo`llari” AJ tomonidan Rossiya davlatida qolib ketgan fuqarolarni yurtimizga olib kelish uchun maxsus poezdlar tashkil qilinmoqda. Bu poezdlarga faqat Rossiyadan O`zbekistonga kelish uchun chiptalar sotiladi.
