Majburiy ijro byurosi Toshkent shahar boshqarmasining ma`lum qilishicha, Shayxontohur tuman bo`limi tomonidan Toshkent tumanlararo Iqtisodiy sudining 2018 yil 22 yanvar kunidagi 1001-1720/18650-sonli qarorining ijrosi ta`minlandi.
Sud qaroriga asosan, qarzdor “Agrotex paxta MTP” korxonasidan undiruvchi “O`zagrolizing” AJ foydasiga 5 mlrd. 269 mln. 21 ming 500 so`m miqdorida qarzni to`lab berishi lozim bo`lgan. Qarzdor tomonidan qarz belgilangan muddatda to`lanmaganligi sabab davlat ijrochisi tomonidan majburiy ijro harakatlari olib borilgan. Joriy yilning 8 oktyabr kuni qarzdor “Agrotex paxta MTP” MChJga tegishli bo`lgan “TRACKER” rusumli avtotransport xatlanib, jarima maydonchasiga qo`yilgan.
Aytilishicha, hozirda ushbu ijro ishi yuzasidan qolgan qarzdorlikni undirish bo`yicha majburiy ijro harakatlari olib borilishi bilan birga, xatlangan avtotransport vositasini elektron onlayn auksionga chiqarish va realizasiya qilish choralari ko`rilmoqda.
