Turizmni rivojlantirish davlat qo`mitasi huzuridagi respublikamizning turli hududlarida joylashgan 3 texnikum va 9 kollej sizlarni quyidagi yo`nalishlarda ta`lim olishga chorlaydi:
- Turizm tarmoqlari bo`yicha;
- Mehmonxona xo`jaligini tashkil qilish va boshqarish;
- Umumiy ovqatlanish korxonalari mutaxassisi;
- mumiy ovqatlanish xizmatlarini tashkil etish;
- Servis va turizm.
Bundan tashqari, har bir hududning o`ziga xosligidan kelib chiqib, bir necha qo`shimcha yo`nalishlar ham mavjud.
Turizm sohasidagi o`rta-maxsus ta`lim muassasalarida o`qish davomiyligi - 2 yilgacha.
Qo`mitaning xabar berishicha, Turizm yo`nalishidagi texnikumlarimizni muvaffaqiyatli tamomlagan bitiruvchilar turizm sohasidagi oliy ta`lim muassasalarida bakalavriat ta`lim yo`nalishlari bo`yicha kirish imtihonlarisiz 2-kursdan o`qishni davom ettirish huquqiga ega bo`lishadi.
"Buning uchun faqatgina yakka tartibdagi suhbatdan o`tsangiz, kifoya! Yana bir muhim jihatga e`tiboringizni qarating!
2020-2021 o`quv yilida Turizmni rivojlantirish davlat qo`mitasi huzuridagi kollej va texnikumlarga qabul qilingan barcha talabalar, istisno tariqasida, davlat granti asosida o`qitiladi.
Turizm yo`nalishidagi texnikum va kollejlarning to`liq nomi, manzili va murojaat uchun ma`lumotlar “Ipak yo`li” xalqaro turizm universiteti huzuridagi Toshkent turizm va mehmonxona menejmenti texnikumi
Manzil: Toshkent shahri, Yashnobod tumani, Taraqqiyot ko`chasi, 2-muyilish, 1-uy. Telefon: +99871 289-40-30, +99890 354-88-66 Elektron pochta manzili: yashnobod.edu@uzbektourism.uz" deb yoziladi xabarda.
