Xorazmlik jurnalist, taniqli hajvchi Bardiboy Jumaniyozov 66 yoshida vafot etdi.
Bardiboy Jumaniyozov 1954 yil 30 mayda Xiva tumanidagi Sayot qishlog`ida tavallud topgan. U yosh avlodga huquq fanidan ta`lim berish bilan bir vaqtda ko`p yillar davomida tuman va respublika OAVlarida ham xizmat qilib, jamiyatimizdagi salbiy illatlarga qarshi ayovsiz tanqidiy materiallarni faol yoritib borgan.
Ustoz Bardiboy Jumaniyozov Abdulla Qahhor ta`biri bilan aytganda “tutab emas, yonib” ijod qilgan jurnalistlardan edi. "Darakchi" gazetasining "Nashtar" hajviy ilovasida chop etilgan "tesha tegmagan" feletonlari bilan ko`plab muxlislar e`tiborini qozondi, ko`p shogirdlariga unutilib borayotgan feleton janrining sir-asrorlarini o`rgatdi.
Bardiboy Jumaniyozovning xotirasi qalbimizda yashaydi, marhumning yaqinlariga chuqur xamdardlik izhor qilamiz.
