Avval xabar qilinganidek, bugun Prezident Shavkat Mirziyoev Toshkent shahridagi bunyodkorlik ishlari bilan tanishmoqda.
Prezident Shavkat Mirziyoev 16 oktyabr kuni Davlat xavfsizlik xizmati akademiyasi va Temurbeklar maktabining qurilish jarayonini ko`zdan kechirdi. Bu haqda Prezident Matbuot xizmati xabar bermoqda.
Maktab uchun o`quv korpusi, yotoqxona, oshxona barpo etilmoqda, akademiyaning mavjud binolari rekonstruksiya qilinmoqda. Majmuada, shuningdek, jismoniy-harbiy mashg`ulotlar maydoni, stadion, avtodrom, plas va boshqa ob`ektlar bo`ladi.
Temurbeklar maktabi tarix fani va xorijiy tillarga ixtisoslashgan bo`lib, unda 200 nafar yosh saboq oladi.
Shu erda mazkur ta`lim maskaniga bolalarni saralash va o`qitish tizimi haqida ma`lumot berildi. Davlatimiz rahbari yosh avlodni vatanparvarlik ruhida tarbiyalash, o`quvchilarga yurtimiz tarixi va o`zbek tilini chuqur o`rgatish, darslarga har bir fan bo`yicha etakchi pedagoglarni jalb etish muhimligini ta`kidladi.
