Andijon viloyati hokimi Shuhratbek Abdurahmonov yangi tashkil etilayotgan migrantlar tayyorlash markazida RUDNning mamlakatimizdagi vakolatxonasi rahbari A.Kolesnikov va Malaka oshirish o`quv markazi bosh direktori Yu.Nasonov bilan uchrashuv o`tkazdi. Bu haqda Tashqi mehnat migrasiyasi agentligi xabar berdi.
Uchrashuvda ish beruvchilarning bo`sh ish o`rinlari haqida talabnomalarini Tashqi mehnat migrasiyasi agentligining Andijon filialiga topshirish xamda kelgusida hamkorlik qilish bo`yicha tuzilgan yo`l xaritasi muhokama qilindi.
Muhokama davomida Andijon viloyatidan 4 ming 500 nafar fuqaroni Rossiya Federasiyasiga qonuniy va tashkillashtirilgan holda ishlash uchun jo`natish bo`yicha kelishuvga erishildi.
