Kecha, 26 oktyabr kuni soat 18:45 larda haydovchi A.N "Neksiya" rusumli avtomashinasini Oqoltin tumani hududidan o`tgan 4R33 avtomobil yo`lining 9 kilometrida Guliston-Uchtom yo`nalishi bo`yicha boshqarib ketayotib tezlik yuqori bo`lganligi sababli rul boshqaruvini yo`qotib qarama-qarshi harakatlanish bo`lagiga o`tib ketib, ushbu yo`nalishda kelayotgan "Niva Shevrolet" rusumli transport vositasi bilan to`qnashib yo`l transport xodisasi sodir etgan.
IIV YHXBB Axborot xizmati xabariga ko`ra, YTH natijasida yong`in kelib chiqib, transport vositalari butkul yonib ketgan.
Haydovchilarga yong`indan zarar etmagan, YTX natijasida xaydovchilar engil tan jaroxati olib Oqoltin tuman tibbiyot birlashmasiga murojaat qilgan.
Transport vositalari tezligini me`yoridan oshirish turli ko`ngilsizliklarga sabab bo`lishi mumkin. Bu bois barcha haydovchilardan avtomobil boshqarganda belgilangan me`yorlarga amal qilishlarini so`rab qolamiz, deyiladi xabarda.
