“Gidrometeorologiya xizmati markazi”ning ma`lumotiga ko`ra, bugun poytaxtda shamol kutilmoqda. Shamol tezligi 12-17 m/s gacha etishi mumkin, deya xabar bermoqda Toshkent shahar hokimligi Matbuot xizmati.
"Shamol daraxtlar va shoxlarni sindirishi, mustahkam o`rnatilmagan konstruksiyalarni o`rnidan qo`zg`atishi mumkin.
Barcha toshkentliklar va poytaxtimiz mehmonlaridan kuchli shamol kuzatilganida ko`chada harakatlanmasliklarini, avtomobillarini daraxtlar va boshqa turli mustahkam bo`lmagan konstruksiyalardan uzoqroq, xavfsiz joyga qo`yishlarini so`raymiz.
O`zingiz va mulkingizni baxtsiz hodisalardan asrang", deyiladi xabarda.
Shuningdek, murojaat uchun qisqa raqamlar ham ma`lum qilindi.