Andijon viloyati Paxtaobod tumani "Cho`nqirg`iz" mahallasida istiqomat qiluvchi To`xtaqulovlar oilasida 4 nafar egizak dunyoga keldi. Bu haqda "Zamon" dasturida xabar qilindi.
Ma`lum bo`lishicha, bolalarning ikki nafari ug`il, ikki nafari esa qiz bola. Egizaklarning onasi 23 yoshli Zarifaxon turmush o`rtog`i Anvarjon bilan oila qurganiga ikki yil bo`lgan. Chaqaloqlarning buvisining aytishicha, hozir egizaklarning aniq necha kilogramm tug`ilganini bilmaydi, ammo har to`rtalasi ham yaxshi vaznda tug`ilgani shifokorlar tomonidan ma`lum qilingan.
Ayni paytda ona va bolalarning salomatligi yaxshi. Ular shifokorlar nazoratida bo`lib turishibdi.