Bozorda va do`konlarda sotilayotgan go`sht mahsulotlari har doim ham kafolatli bo`lmaydi. Ayrim hollarda sanitriya talab va tartiblariga rioya qilinmay so`yilgan chorva go`shtlari sotishga ruxsat berilmaydi. Bu haqda Huquqiy axborot kanali ma`lumot berdi.
Quyidagi hollarda go`sht mahsulotlarini sotishga ruxsat berilmaydi:
so`yilishi ixtisoslashtirilgan va mini so`yish korxonalarida amalga oshirilmagan bo`lsa;
go`sht va go`sht mahsulotlarini tashish uchun belgilanmagan transportda etkazib berilgan bo`lsa;
veterinariya hujjatlari bo`lmasa;
ixtisoslashtirilgan so`yish korxonasining F-200 shakldagi ma`lumotnomasi bo`lmasa;
veterinariya-sanitariya ekspertizasining xulosasi (ma`lumotnomasi) bo`lmasa;
oyoqlari va bosh qismi jun bilan birga bo`lsa, shuningdek parranda va qushlarning patlari yulinmagan bo`lsa;
xona yoki ko`cha haroratida ilgakka osilgan yoki erga (ochiq rasta ustiga) ochiq holda qo`yilgan holatda bo`lsa;
veterinariya-sanitariya jihatidan xavfsizligi kafolatlangan go`shtlarning yagona elektron ma`lumotlar bazasiga kiritilmagan bo`lsa.