Buxoroda poezd velosipedda ketayotgan 69 yoshli erkakni urib yubordi. Bu haqda huquq tartibot organlari xabariga tayanib Zamon.uz yozdi.
Qayd etilishicha, hodisa 3 oktyabrda Toshkent – Volgograd yo`nalishidagi temir yo`lda sodir bo`lgan.
Ma`lum bo`lishicha, erkak velosipedda poezd etib kelguncha temir yo`lni kesib o`taman deb o`ylagan.
Lekin, qoqilib tushishi natijasida relslarda qolib ketgan. Oqibatda poezd erkakni urib yuborgan. U voqea joyida halok bo`lgan.
Hozirda surishtiruv ishlari olib borilmoqda. IIBB fuqarolardan hayotini xavf ostiga qo`yib, temir yo`lni kesib o`tishda tavakkal qilmaslikka chaqiradi.