Namanganda Norin daryosi ko`prigi foydalanishga topshirildi. Bu inshootda ta`mirlash sababli 6 oy davomida qatnov to`xtatilgan edi. Bunga ko`prikda darz va yoriqlar kuzatilgani sabab bo`lgan, deb yozmoqda Namangan viloyati hokimligi matbuot kotibi Aziz Abduvaliev.
Rekonstruksiyadan so`ng ko`prikning eni 1,5 metrga kengaytirilib, ikki chetida piyodalar uchun yo`laklar qurildi. Hozir ko`prikning uzunligi 275, eni 10, balandligi esa 7 metrni tashkil etmoqda.
Bu erdan endi 1 soatda 834 ta, sutkasiga esa 20 mingdan ortiq avtomobil o`tishi mumkin. Ko`prik qurilishiga 8,3 milliard so`m mablag` sarflandi.
