Bosh prokuraturada Bosh prokuror N.Yo`ldoshev raisligida o`tayotgan yig`ilishda Transport sohasida korrupsiyaviy huquqbuzarliklarning sabab va shart-sharoitlari bartaraf etilmagani ham tilga olindi.
N.Yo`ldoshev, bosh prokuror: - So`nggi ikki yilda Transport vazirligi va sohadagi korxonalar xodimlaridan 57 nafari korrupsiyaviy jinoyatlarga qo`l urgan.
Tahlillarga ko`ra, tizimda yo`l qurilishi uchun ajratilgan byudjet mablag`larini talon-toroj qilish, yo`lovchi va yuk tashish xizmatidan tushgan pullarni o`zlashtirish bilan bog`liq jinoyatlar sodir etilmoqda.
Masalan, “Kattaqo`rg`on tuman yo`llardan foydalanish” korxonasi direktori R. bosh hisobchi Sh. hamda muqaddam shu korxonada sodir etgan qator jinoyatlari uchun sudlanib, korxonada faoliyatini yana davom ettirib kelayotgan jinoiy sheriklari bilan til biriktirib, umuman ta`mir ko`rmagan 20 ta yo`lni ta`mirdan chiqarganliklari haqida qalbaki hujjatlarni tuzib, 2,4 mlrd. so`m byudjet mablag`larini o`margan.