6 noyabr kuni soat 19:00 da Sirdaryo tumani Baxor MFY Guliston ko`chasining 4 kmda 1994 yilda tug`ilgan haydovchi Q.B, "Damas" avtotransportini boshqarib ketayotgan vaqtida, yo`lni kesib o`tayotgan piyoda 1966 yilda tug`ilgan U.G. ni avtomashinaning old qismi bilan urib yuborib, YTH sodir etgan. Bu haqda viloyati IIB YHXB Axborot xizmati xabar berdi.
Haydovchi piyodaga birinchi tibbiy yordam ko`rsatish maqsadida tuman Tibbiyot birlashmasiga murojaat etgan.
Ma`lum qilinishicha, piyoda U.G. “o`ng son o`rta pastki uchligidan yopiq balandlatib sinib siljishi, o`ng son yuqori uchligi chap tizza soxalarini yuzaki sidirilganligi” tashxisi bilan Sirdaryo tuman tibbiyot birlashmasining jarrohlik bo`limiga yotqizilgan.
Holat yuzasidan Sirdaryo tuman IIB Tergov bo`limi tomonidan surishtiruv harakatlari olib borilmoqda.
