Turkiyada maktablar yopildi va koronavirus tarqalishi yanada kuchayishi haqidagi prognozlar tufayli dam olish kunlari soat 20.00 dan 10.00 gacha mamlakat bo`ylab komendantlik soati joriy etildi. Bu haqda Daily Sabah mamlakat prezidenti Rajab Toyyib Erdo`g`anning nutqiga asoslanib xabar bermoqda, deb yozdi news.liga.
Ma`lum qilinishicha, restoran, oziq-ovqat do`konlari, savdo markazlari va sartaroshxonalar faqat soat 10:00 dan 20:00 gacha ishlaydi.
Erdo`g`an shuningdek, 65 yoshdan katta qariyalar uchun ilgari o`rnatilgan komendantlik soati endi 20 va undan kichik yoshdagi odamlarni ham qamrab olayotganini aytmoqda - ular faqat soat 10:00 dan 16:00 gacha ko`chaga chiqishlari mumkin.
Shuningdek, yangi cheklovlar barcha sport musobaqalarini muxlislarsiz o`tkazish majburiyatini yuklaydi.
Erdo`g`an tomonidan e`lon qilingan boshqa choralar qatoriga kafelarning yopilishi va yil oxirigacha kinoteatrlarning yopilishi kiradi.
Maktablar faqat onlayn rejimida ishlaydi.
Turkiyada pandemiya boshlanganidan beri koronavirus infeksiyasidan 417.594 nafar kasallangan qayd qilingan, o`tgan kun davomida deyarli 4000 kishida COVID-19 aniqlangan.
