1- va 2-son Zangiota yuqumli kasalliklar shifoxonasida koronavirus va pnevmoniya bilan kasallangan bemorlar keskin kamaygani inobatga olinib, muassasalar bazasidan unumli foydalanish hamda kelgusida ularning faoliyatini tibbiyotning boshqa yo`nalishlariga ham moslashtirish maqsadida reabilitasiya bo`limlari tashkil etilishi ko`zda tutilmoqda. Bu haqda Sog`liqni saqlash vazirligi Jamoatchilik bilan aloqalar bo`limi xabar bermoqda.
Shuningdek, ushbu shifoxonalarda koronavirusga oid ilmiy-tadqiqot va innovasiya ishlarini amalga oshirish mo`ljallanmoqda. Shu maqsadda shifoxonalarda ilmiy ishlar bo`yicha direktor o`rinbosari lavozimi joriy qilinadi.
