"Pedagog xodimning maqomi to`g`risida"gi qonun loyihasi jamoatchilik muhokamasiga qo`yildi.
Loyihaga muvofiq, pedagoglarning pensiya yoshi besh yilga qisqartirilgan holda ularning imtiyozli pensiya olishi belgilanmoqda.
O`qituvchilarning lavozim majburiyati va kasbiy faoliyati bilan bog`liq bo`lmagan ishlarga, yig`ilishlar va boshqa tadbirlarga jalb qilinishi taqiqlanadi.
Pedagog xodimni majburiy mehnatga jalb qilgan shaxslar qonunchilik hujjatlarida o`rnatilgan tartibda javobgarlikka tortiladi.
Shuningdek, ularga ko`p yillik xizmatlari uchun bazaviy lavozim maoshining 15 foizidan 40 foizigacha har oylik ustama ish stajiga ko`ra to`lanadi.
Pedagoglar kasbiy faoliyati davomida yuqumli kasalliklarga qarshi bepul profilaktik emlanadi va 15 yil stajga ega xodimga yilda bir marta sog`lomlashtirish muassasalariga bepul yo`llanma beriladi.
