Statistik tadqiqotlarga ko`ra, yanvar oyi boshqa oylardan ko`p o`lim qayd etilishi darajasi bilan farqlanadi.
Olimlar nima uchun aynan yanvar oyida o`lim darajasi ko`payishi sabablarini tushuntirishga qaror qildi. Ma`lumotlarga ko`ra, odam hayoti bilan bog`liq mazkur ayanchli statistikaga salbiy ob-havo ko`rsatkichlari ta`sir qilar ekan.
Shuningdek, olimlarning ta`kidlashicha, yanvar oyi inson umriga psixologik omillar ta`siri kuchli bo`lishi bilan farq qiladi. Gap shundaki, yanvar inson uchun eng depressiv yil fasli sanaladi.
Odamlar bu davrda taqdirdan juda ko`p narsa kutadi, biroq orzular amalga oshmagach, tushkunlikka tushadi. Bundan tashqari bayramga sarflangan harajatlar, ob-havo ham inson ruhiyati tushkunligiga ta`sir ko`rsatadi.
Psixologlar yanvarni “ro`yobga chiqmagan orzular” davri deb atashdi. Aynan shu sababli ekspertlar juda ko`p o`lim holatlari aynan yanvar oyida qayd etilishini tushuntirdi.
