Xalq deputatlari Sherobod tumani Kengashining bugun o`tkazilgan navbatdan tashqari sessiyasida tashkiliy masala ko`rildi. Amirov Alisher Xurramovich boshqa ishga o`tganligi munosabati bilan tuman hokimi vazifasidan ozod qilindi.
Jarqo`rg`on tumani hokimi lavozimida faoliyat yuritib kelayotgan Davlatov Ziyodulla O`roqovich Sherobod tumani hokimi etib tasdiqlandi.
Z.Davlatov 1974 yil 3 martda Termiz tumanida tug`ilgan. 2006 yilda Toshkent davlat iqtisodiyot universiteti, 2007 yilda O`zbekiston Respublikasi Prezidenti huzuridagi Davlat boshqaruvi akademiyasini tamomlagan.
2007-2010 yillarda AT Xalq banki ichki audit boshqarmasi boshlig`i, kredit departamenti direktori, 2010-2013 yillarda Xalq banki Toshkent viloyati filiali boshlig`i, 2013-2017 yillarda Surxondaryo viloyati hokimining iqtisodiyot va ijtimoiy rivojlantirish masalalari bo`yicha o`rinbosari, 2017 yildan to shu kungacha Jarqo`rg`on tumani hokimi lavozimida ishlagan.
Sessiyada Surxondaryo viloyati hokimi To`ra Bobolov ishtirok etdi va so`zga chiqdi.
