«O`zavtosanoat» AJning taftish komissiyasi a`zosi Mustafina Viktoriya Valerevnaning vakolatlari muddatidan oldin tugatildi hamda uning o`rniga Davlat aktivlarini boshqarish agentligi boshqarma boshlig`i Badalboev Sherzod Alijon o`g`li taftish komissiyasi a`zosi sifatida tasdiqlandi. Bu haqda jamiyat boshqaruv organining navbatdan tashqari yig`ilishida qabul qilingan qarorda ma`lumot berilgan, deya yozdi "kun.uz".
Jamiyat taftish komissiyasi a`zosi bo`lgan Viktoriya Mustafina ayni paytda Monopoliyaga qarshi kurashish qo`mitasida Tovar, moliya va raqamli bozorlarda bozor konsentrasiyasini nazorat qilish boshqarmasi boshlig`i lavozimida mehnat qiladi.
Davlat aktivlarini boshqarish agentligi matbuot kotibi Mo`min Ibodovning ma`lum qilishicha, Mustafina o`z arizasiga ko`ra komissiya a`zoligidan ketgan.
«Davlat aktivlarini boshqarish agentligi jamiyatning yagona aksiyadori sifatida agentlik boshqarma boshlig`ini taftish komissiya a`zoligiga tasdiqladi», — deydi Ibodov.
«O`zavtosanoat» aksiyadorlik jamiyatining taftish komissiyasi to`g`risidagi nizomga ko`ra, taftish komissiyasi jamiyatning nazorat organi bo`lib, kompaniya yagona aksiyadori tomonidan saylanadi. Ushbu komissiya kompaniyaning moliya-xo`jalik faoliyatini ichki nazorat qilishni amalga oshiradi.
Eslatib o`tamiz, 11 dekabr kuni Toshkent shahar ma`muriy sudi «UzAuto Motors» ishini qayta ko`rib chiqishi haqida xabar berilgandi.
Mavzuga doir:
